Նվազեցրեք էլեկտրաէներգիայի ծախսերը

Մեր սպառող կարող է դառնալ Հայաստանի Հանրապետության ցանկացած իրավաբանական անձ կամ անհատ ձեռնարկատեր, որն ունի գործող էլեկտրաէներգիայի սպառման կետ և ցանկանում է օգտվել ազատ շուկայում գործող մատակարարի ծառայություններից։

Մատակարարի փոփոխությունն իրականացվում է «Հաշվարկային կենտրոն» ՓԲԸ-ի (Շուկայի օպերատորի) հարթակի միջոցով․

• Սպառողը ներկայացնում է դիմում մատակարարի փոփոխության վերաբերյալ,
• ներկայացվում է նոր մատակարարի հետ կնքված պայմանագիրը,
• Շուկայի օպերատորն ուսումնասիրում և հաստատում է փոփոխությունը՝ սահմանված կարգով։

Ընդհանուր գործընթացը տևում է 6 (վեց) աշխատանքային օր։

Այո։ Գործող մատակարարի հետ պայմանագիրը պետք է լուծվի՝ համաձայն պայմանագրի դրույթների։ Energo Trade-ն աջակցում է սպառողին ամբողջ գործընթացում՝ ներառյալ Շուկայի օպերատորին ներկայացվող ծանուցումները։

• Սպառողի վավերապայմանները,
• լիազորագրեր (եթե ստորագրողը տնօրենը չէ),
• սպառման կետի տեխնիկական տվյալները (սպառողի և ՀԷՑ-ի միջև կնքված պայմանագրի տրամադրում)։

Այո։ Energo Trade-ն աջակցում է սպառողներին Շուկայի օպերատորի հարթակում գրանցման, հայտերի ներկայացման և անհրաժեշտ փաստաթղթերի ամբողջական փաթեթի պատրաստման գործընթացում։ Ընկերության մասնագետներն ապահովում են տեխնիկական ուղեցույց, փաստաթղթերի ստուգում և գործընթացի ճիշտ կազմակերպում՝ նվազեցնելով սխալների և մերժումների հավանականությունը։

Գինը ձևավորվում է՝

• շուկայի ընթացիկ գների,
• սպառողի սպառման վարքագծի,
• պայմանագրի տեսակի (ֆիքսված կամ փոփոխական) հիման վրա։

Մեր թիմն առաջարկում է անհատականացված գին՝ ապահովելով մրցունակ պայմաններ։

Ոչ։ Պայմանագրի գինը չի ներառում բաշխման ծառայության արժեքը։ Բաշխման ծառայության արժեքը սպառողը վճարում է ՀԷՑ-ին՝ վերջինիս կողմից հաշվարկային ժամանակաշրջանի ավարտից հետո ներկայացված հարկային հաշվի հիման վրա։

Ոչ։ Էլեկտրաէներգիայի որակը և մատակարարման անխափանությունն ապահովում է Էլեկտրացանցը (ՀԷՑ)։ Մատակարարի փոփոխությունը չի ազդում էլեկտրաէներգիայի որակի վրա։

Ոչ։ Մատակարարի փոփոխությունը վարչական և պայմանագրային գործընթաց է, իսկ էլեկտրաէներգիայի ֆիզիկական մատակարարումն ու ցանցային սպասարկումը շարունակում է ապահովել ՀԷՑ-ը։ Ուստի փոփոխության ընթացքում սպառման կետի էլեկտրամատակարարումը չի դադարեցվում։

Սպառողը կարող է ստանալ սպառման տվյալները՝

• ՀԷՑ-ի հաշվառման համակարգից,
• մեր կողմից տրամադրվող հաշվետվություններից, եթե հանդիսանում եք Energo Trade-ի սպառող։

Նախնական վերլուծության համար անհրաժեշտ են սպառողի վերջին ամիսների սպառման տվյալները, լարման մակարդակը, հաշվառման կետի տվյալները և գործող պայմանագրային պայմանները։ Այս տեղեկատվության հիման վրա Energo Trade-ը գնահատում է սպառման ռեժիմը և առաջարկում առավել նպատակահարմար գնային տարբերակ։

Ազատ շուկան հնարավորություն է տալիս սպառողին ընտրել մատակարար, բանակցել անհատական պայմանների շուրջ և ստանալ իր սպառման ռեժիմին համապատասխան գնային առաջարկ։ Սա կարող է նպաստել ծախսերի օպտիմալացմանը և էներգիայի գնման գործընթացի ավելի մեծ թափանցիկությանը։

Այո։ Պայմանագրային պայմանները կարող են նախատեսել ինչպես ֆիքսված, այնպես էլ փոփոխական գին՝ կախված սպառողի նախընտրությունից, սպառման ծավալից, ժամանակացույցից և շուկայի ընթացիկ իրավիճակից։ Energo Trade-ը յուրաքանչյուր սպառողի համար առաջարկում է առավել նպատակահարմար տարբերակ։

Եթե պայմանագիրը նախատեսում է ֆիքսված գին, ապա շուկայի կարճաժամկետ տատանումները սովորաբար չեն ազդում սպառողի վճարելիք գնի վրա պայմանագրով սահմանված ժամկետի ընթացքում։ Փոփոխական գնի դեպքում գինը կարող է վերանայվել պայմանագրով սահմանված մեխանիզմի համաձայն։

Energo Trade-ը կարող է առաջարկել պայմանագրային և գնային լուծումներ, որոնք օգնում են նվազեցնել շուկայի գների տատանումների ազդեցությունը։ Դրանք կարող են ներառել ֆիքսված կամ փոփոխական գնի պայմաններ, ճկուն գնային մեխանիզմներ, սպառման վերլուծություն և պլանավորում՝ ըստ սպառողի բիզնես կարիքների։

Այո։ Սպառողը կարող է տարվա ընթացքում ոչ ավելի, քան 4 (չորս) անգամ փոխել մատակարարին կամ վերադառնալ երաշխավորված մատակարարի ծառայությանը՝ գործող օրենսդրությամբ և պայմանագրային պայմաններով սահմանված կարգով։ Գործընթացն իրականացվում է Շուկայի օպերատորի հարթակում համապատասխան դիմումների և ծանուցումների միջոցով։

Հարկ է նշել, որ երաշխավորված մատակարարի կողմից սպառողի էլեկտրամատակարարումը վերսկսելու դեպքում հաշվարկային ամսվա ընթացքում երաշխավորված մատակարարի մատակարարած էլեկտրաէներգիայի արժեքը հաշվարկվում է տվյալ սպառողական խմբի համար ՀԾԿՀ-ի սահմանած սակագնով։

Վճարումները կատարվում են ամսական հաշվարկային ժամանակաշրջանի ավարտից հետո՝ ներկայացված հարկային հաշվի հիման վրա։ Վճարումն իրականացվում է բանկային փոխանցման միջոցով։

Այո։ Առկա են ինչպես կարճաժամկետ (3–6 ամիս), այնպես էլ երկարաժամկետ (6 ամսից մինչև անժամկետ) պայմանագրեր՝ ըստ սպառողի պահանջների։

Մենք առաջարկում ենք՝

• սպառման վերլուծություն,
• էներգետիկ արդյունավետության խորհրդատվություն,
• ռիսկերի նվազեցման ռազմավարություններ,
• անհատականացված գնային փաթեթներ։

Կապը կարող է հաստատվել՝

• հեռախոսով՝ +374 93 900 211,
• էլ. փոստով՝ info@energytrade.am,
• կայքի միջոցով ուղարկված դիմումով,
• գրասենյակ այցելելով՝ ք. Երևան 0014, Ազատության պող. 27, սենյակ 404 (Երազ բիզնես կենտրոն)։